Monday, 4 November 2013

ஆரம்பம் - ரம் பம் ரம்பம்

முன்னாடியே சொன்ன மாதிரி ஒரு சுமாரான கமர்ஷியல் படம் கூட மூணு - நாலு நாடி நரம்பெல்லாம் முறுக்கேற வைக்குற சீன்ஸ் இருந்தாலே படம் எனக்கு புடிச்சிரும். துப்பாக்கில அதே 1445வது தங்கச்சிய தூக்கிட்டு போன வில்லன் கேங்க போடுற அதே 1445வது அண்ணன் சீன் தான். ஆனா அந்த சீனோட Lead, அதோட Execution, அதுக்கு அப்றோம் வர follow throughன்னு மூணு செக்மண்ட்டையும் கோர்வையா Construct பண்ணிருப்பாரு முருகதாஸ் - கூடவே தூக்கி நிருத்துற பிண்ணனி இசை. சிங்கம் முதற்பாதில மயில்வாகனம் - துரைசிங்கம் முதற்முதலா சந்திக்கிற சீன் கூட சொல்லலாம். அஜித்தின் ஆரம்பத்துல அதே மாதிரி ரெண்டு காட்சிகள் பெருசா வந்துருக்கலாம் - ஆனா ஈர்க்காத காட்சி அமைப்பு, கோவத்த கெளப்புற பிண்ணனி இசை அந்த காட்சிகள Least Impressiveஆக ஆக்கிடிச்ச்சு. கண்ணாடியை கழட்ட வச்ச மினிஸ்டர் பொண்ண, கொஞ்ச நேரத்துல Gun Pointல நிக்க வச்சு கண்ணாடிய திரும்ப மாட்ற சீன் ஹீரோயிசத்தின் உச்சகட்டம் (படையப்பா அப்றோம்). வாய் வரைக்கும் வந்த விசில் காத்து, அங்கே நம்ப யுவன் போட்ட கொடுரமான பிண்ணனி இசையாலும், அதுக்கு அப்றோம் வந்த சுமாரான சேசிங் சீன்னாலயும் பின்னாடியே போயிருச்சு. அதே மாதிரி தல கைய்ய புடிச்ச ஒடனே உட்ற லுக்கு. அங்கேயும் பம்பு செட்டுல ரேப்பு பண்ண மாதிரி ஒரு இசை.


பேரு தான் ஆரம்பம், ஆனா முத இருபது நிமிசம் எப்படா ஆரம்பிப்பீங்கன்னு இருந்துச்சி. அதுக்கப்றோம் வந்த முதற்பாதி காட்சிகள் கொஞ்சம் விறுவிறு வீரேந்திர சேவாக்கு, கொஞ்சம் 35-45 ஓவர்ல ஆடுற மந்தமான தோனி மாதிரி போனாலும், பெரிய குறை இல்லை. அதுக்கு அப்றோம் வர உயிரோட்டம் இல்லாத மயிராட்டாம் ஃப்ளாஸ்பேக், கதையின் உயிர்நாடியான புல்லட் ஃப்ரூப் ஜாக்கெட் மாதிரி பெரிய லாஜிக் ஓட்டைகளால களையிழந்து போகுது. போலீஸ் கிட்ட இருந்து தப்பிச்சு ஒடனே துபாய் போகறதெல்லாம் காதுல ராட்டினத்தயே சுத்துற மாதிரி. குறிப்பா கடசி அரை மணி நேரம் திராபை. கந்தசாமி பேங்க் ட்ரான்ஸ்ஃபர், தளபதி ஃப்ரெண்ட் சாங்கு, இந்தியன் தாத்தா லெக்சர்ன்னு நாசுக்கா விஷ்ணுவர்த்ன் உருவிருக்குற சீன்ஸ் இன்னும் நல்லா பண்ணிருக்கலாம் ரானா - அஜித் நட்புல இன்னும் கொஞ்சம் அழுத்தம் காமிச்சிருக்கலாம். இப்டி நெறய குறைகள் இருந்தாலும், அஜித் மங்காத்தா அப்றோம் கொஞ்சம் Interest காட்டி நடிச்சிருக்காரு, But மங்காத்தால இருந்த் அந்த Unpredictable Anti-hero இதுல மிஸ்ஸிங். தனி ஆளா கஷ்டப்பட்டு இந்த் படத்த தூக்கி நிறுத்த முயற்சி பண்ணிருக்காரு. நயந்தாரா, கிஷோர் தவிர்த்து மத்த காஸ்டிங் சொல்லிக்கிற மாதிரி இல்ல. ஆர்யா இன்னும் Improve பண்ணனும். 

’லிஃப்ட்’க்கு நன்றி விஷ்ணு

பயத்துக்கே பயம் காட்டுற படங்களா விஜய் தந்த நேரத்துல எப்டி சுமார் மூஞ்சி குமாரு மாதிரி வேலாயுதம் வந்து குஷிபடுத்துச்சோ, அது மாதிரி பில்லா - 2 அப்றோம் ஆரம்பம். என்ன வேலாயுதம் கொஞ்சம் லோ மேக்கிங். இதுல கொஞ்சம் ஸ்டைலிஷ் அண்ட் சூப்பரா இங்கிலிஷ் பேசுற கேப்டன் விஜயகாந்த்தாக நம்ப தல. ஆனா ஒண்ணு, இந்த ஸ்க்ரிப்ட வச்சு விஷ்ணுவர்தன் நல்லா பண்ணிருக்கலாம். ஆனா அவரோட வலுவில்லாத திரைக்கதை, கைவிட்ட யுவனின் பிண்ணனி இசை, பவர் கம்மியான பவர்ஸ்டார் வசனங்கள் (அதுவும் செகண்ட் ஹாஃப்ல ஆனா ஊன்னா சாவு சாவுன்னு தல பேசுறது) Strictly one time watch மூவி தான், அதுவும் டிக்கெட் வாங்கிட்டோமேன்னு :P


ஆரம்பம் - அஜித் ஃபேன்ஸ்க்கு மட்டுமே இன்பம்


வருகைக்கு நன்றி

Blogger templates

Custom Search