Saturday, 16 June 2012

அப்பா கதைகள்



வில்லன் அப்பா


அப்பா: டேய், பாஸ்போர்ட் அப்ளை பண்ண சொல்லி…

பையன்: இந்த சனிக்கிழம காலேஜ் லீவ்ப்பா… அப்ளிகேஷன் வாங்கிடுறேன்

அப்பா:இத தான் ஒரு மாசமா சொல்லிட்டு இருக்க, நானே வாங்கிட்டேன்… இந்தா ஃபில் பண்ணு, அடுத்த வாரம் போய் கொடுத்துறலாம்


அடுத்த வாரம்

அப்பா:டேய், அப்ளிகேஷன் வாங்கிட்டு வந்தேனே, அத கொஞ்சமாச்சும் படிச்சியா?

பையன்:காலேஜ்ல டெஸ்ட்ப்பா, அதான் பாக்கல…

அப்பா:எடுக்கற்து என்னமோ 15, 25 தான்… அதுக்கு ஏன்டா நடிக்கிற?? நான் ஜெராக்ஸ் எடுத்து, அதுல பென்சில்ல ஃபில் பண்ணிட்டேன்… நீ அதே மாதிரி ஒரிஜினல்ல எழுதிக்கோ… காபி அடிக்கறதாச்சும் ஒழுங்கா செய்டா


மூன்று நாட்கள் கழித்து

அப்பா:டேய், முடிச்சியா?

பையன்:எங்கப்பா வச்ச, அப்ளிகேஷன்ன? மூணு நாளா தேடுறேன்

அப்பா:தெரியும்டா உன்னபத்தி, உன் டேபிள் மேலேயே தான் இருந்துச்சு, கம்யூட்டர்ல பைத்தியக்காரன் மாதிரி சாட் ஆடிட்டு இருக்க, க்ரவுண்ட்ல போய் ஆடுறான்னா, இங்க பந்து விளையாடிட்டு இருக்க.. அத ஒரு நாளாச்சும் பாத்தியா??

பையன்:சரி சரி, இப்போ நான் ஃப்ரீ தான், 10 நிமிஷ வேலப்பா, முடிச்சிடுறேன்

அப்பா:நானே எழுதிட்டேன்டா… உன் சைன் மட்டும் போடு, இல்ல அதுவும்

பையன்:ங்கேகேகேகேகேகே


அடுத்த வாரம்

பக்கத்து வீட்டு பெண்: அண்ணா இருக்காங்களா? 

அப்பா:ரூம்ல கேம்ஸ் விளையாடிட்டு இருக்கான்மா…

(பையன் அதற்குள் வெளியே வர)

பக்கத்து வீட்டு பெண்: அண்ணா, +1 சேரணும்.. அப்ளிகேஷன் ஃபார்ம் ஃபில் பண்ணனும்… சிலது தெரில, ஹெல்ப் பண்றீங்களா?

அப்பா:நல்லா கேட்ட போ… (விஷமச்சிரிப்பு)





ஹீரோ அப்பா


பையன்:அப்பா, அண்ணா யூனிவர்சிட்டி போறேன் நாளைக்கு, சிம்போசியம் இருக்கு

அப்பா:சிம்போசியம்ன்னா என்னடா?

பையன்:ஆங்ங், கிளி ஜோசியம் மாதிரி சீட்டு எடுத்து, வேலைக்கு செலக்ட் பண்வாங்கப்பா

அப்பா:டேய், அத கேம்பஸ் இண்டர்வியு தானே சொல்வாங்க…

பையன்:சும்மாப்பா, அதுவும் படிப்பு விஷயமா தான், படிப்பு சம்பந்தமா கேள்வி கேப்பாங்க..

அப்பா:சரி, எப்டி போகணும் தெரியும்ல? நம்ப டெப்போல இருந்து M147A ஏறிக்கோ, தி.நகர்ல எறங்கிக்கோ, கடசி ஸ்டாப்… எதிர்தாப்புல டெப்போ தெரியும், அங்க இருந்து அடயாறுன்னு போட்டுருக்குற பஸ்ல ஏறு… 

பையன்:யப்பா… எனக்கு தெரியும், 47D இருக்கு, தி.நகர்ல இருந்து கேட்டு போய்க்கிறேன்

அப்பா:கண்டக்டர்கிட்ட கேட்டுக்கோடா எந்த ஸ்டாப்புன்னு, சிலதுல்லா நிக்காது…

பையன்:நான் பாத்துக்கிறேன்

அப்பா:(நூறு ரூபாயோடு சில 10 ரூபாய் தாள்களை தந்து) ஷேர்-ஆட்டோ தி.நகர் வந்தா ஏறிக்கோ… பஸ் வந்துச்சுன்னா 50 ரூபா பாஸ் எடுத்துக்கோ…. ஒரு நாள் ஃபுல்லா போலாம் அத வச்சு, எந்த பஸ் வந்தாலும் ஏறிக்கோ

பையன்:(மனசுக்குள்) என்னமோ நான் அண்ணா யுனிவர்சிட்டி தனியா போனதே இல்ல மாதிரி

அடுத்த நாள்


அப்பா காலிங்

பையன்:சொல்லுப்பா, இப்போ தான் பஸ் வந்துச்சு

அப்பா:தெரியும்ல? லாஸ்ட் ஸ்டாப்… 

பையன்:ஷப்ப்ப்ப்ப்பா யப்பா, நான் தி.நகர் வந்துட்டு கால் பண்றேன்


30 நிமிடங்கள் கழித்து

அப்பா காலிங்

பையன்:இன்னாப்பா?

அப்பா:எங்கடா இருக்க?

பையன்:லயோலா காலேஜ் வர போறேன்…

அப்பா:ஆபிஸ்ல கிண்டில ஒரு பில் வாங்கிட்டு வர சொல்லிருக்காங்க, நீ என்ன பண்ணு, தி.நகர்ல எறங்கிட்டு கால் பண்ணு, நான் இப்போ வள்ளுவர் கோட்டம் தாண்டிட்டேன், உன்ன அண்ணா யுனிவர்சிட்டில விட்டுறேன்

தி.நகரில் இறங்கியவுடன், அப்பா கைதட்டி மகனை கூப்பிடுகிறார்

அப்பா:எவ்ளோ நேரம்டா லயோலால இருந்து இங்க வர?

பையன்:அப்போ நீ வந்து பஸ்ஸு ஓட்டேன், இவ்ளோ பேசுற

அப்பா:டயர்ட்டா? ஜூஸ் குடிக்லாமா?

பையனுக்கு புரிந்தது, அப்பாவுக்கு கிண்டியில் வேலை இல்லை என்று


வருகைக்கு நன்றி!! 



Blogger templates

Custom Search